Decretum. -Anno 1864. Presbyter Iosephus Manyanet et Vives, consentiente Episcopo Barchinonensi, Congregationem instituit Presbyterorum et Coadiutorum titulo Filiorum Sacrae Familiae Iesu, Mariae et Ioseph, cuius Domus Matrix est Collegium Sancti Andreae de Palomar in praefata Dioecesi Barchinonensi situm. Piae huius Societatis alumni in id maxime intendunt ut in omnibus Dei gloriam quaerant, ac propriam aliorumque sanctificationem procurent, totisque viribus incumbant in adolescentes praesertim Párvulos, sive divites sive pauperes sint, non minus religiosae ac vere catholicae disciplinae monitis, quam exemplari aedificatione informandos, et hoc, dum fieri possit, gratis. Insuper moderationi Superioris Generalis subdunt, ac tria vota simplicia Obedientiae, Paupertatis et Castitatis emittunt. Brevi Pia Societas ita aucta est ut nunc non solum in praedicta Dioecesi Barchinonensi sed etiam in Dioecesibus Illerdensi, Vicensi et Gerundensi domus habeat, uberesque ubique fructus afferat, prout ex testimonialibus litteris respectivorum Episcoporum liquet. Nuper merooratus pius Fundator et Superior Generalis haec exponens a SSmo. D.N. Leone PP. XIII humillime petiit ut praefatum Institutum illiusque Constitutiones, de benignitate Apostolica approbare dignaretur. Verum Sanctitas Sua in audientia habita ah infrascripto Dom. Secretario Sacrae Congregationis Episcoporum et Regularium die 29 Aprilis 1887 universa rei ratione sedulo diligenterque perpensa attentisque litteris commendatitiis Ordinariorum locorum in quibus praefatum Institutum domus habet, finem seu scopum eiusdem lnstituti summopere laudare et commendare dignata est, prout praesentis Decreti tenore summopere laudatur et commedatur, salva Ordinariorum iurisdictione, ad formam SS. Canonum et Apostolicarum Constitutionum, dilata ad opportunius tempus turo lnstituti turo Constitutionum approbatione, circa quas interim nonnullas animadversiones comrounicari mandavit, ad hoc ut Constitutiones ipsae ad tramites earundero animadversionum emendatae, post congruum experimenti tempus, iterum examini S. Congregationis subiiciantur.
Datum Romae ex Secretaria memoratae Sacrae Congregationis Episcoporum et Regularium die 30 Aprilis 1887.
– J. Card. Masotti, Praefectus. Fr. Aloisius Episcopus Callinicen., Secretarius. – N. 3394/13.
